PRÓXIMAS ACTIVIDADES

SÁBADO 12 DE AGOSTO: ROTEIRO HOMENAXE ÁS VÍTIMAS DA REPRESIÓN


ADEGA e a Fundación Eira da Xoana súmanse un ano máis a esta homenaxe que viñan facendo dende había anos outras organizacións. Honra en memoria das persoas que, por defenderen a xustiza e a liberdade, foron vítimas da represión nos anos da “longa noite de pedra”.
O acto está aberto a todas as organizacións e persoas que a título individual queiran participar
 
 

PROGRAMA:
11.45 h => Lugar de encontro: “O Coto”, situado na estrada de Melide a Palas de Rei (N-547), xusto no límite provincial.
 
12.00 h => Comezo do acto en Sá na volta de Ludeiro (Palas de Rei), no lugar onde apareceran os corpos sen vida de SIXTO AGUIRRE e CAMILO DÍAZ VALIÑO.
De seguido desprazamento ata Toques, e homenaxe a:
· MARCIAL VILLAMOR en Vilouriz.
· RAMÓN RODRÍGUEZ VARELA (O Curuxás) en Vilamor.
· DELFINO LiÑEIRA FRAGA en Piñeiro (O tranviario).
· BENEDICTO FUENTES DÍAZ en Curbián (Palas de Rei).
 
15.00 h => Chegada á Eira da Xoana e xantar comunitario –cada quen leva a súa comida para compartir- Acto final na Eira, con recoñecemento ao que foi alcalde republicano de Agolada, Primo Castro Vila.

Contaremos con Mini e Mero


Randulfa peque

Cada día de actividade na Eira da Xoana, se podedes, traede pan duro e/ou mazás para a burriña Randulfa que ademais de facernos boa compañía, témola connosco para axudar a recuperar a raza fariñeira.

Á última cría da Randulfa, o Farruco, despedímola a finais do 2014, sendo recollida pola Asociación Pura Raza Cabalo Galego.

Se queres máis información sobre as diferentes actividades, podes contactar con Marcial: 638 475 322 ou Pepe Salvadores: 659 683 384.

Tamén no correo fundacion@eiradaxoana.gal