A cidadanía galega mobilízase de novo en defensa do territorio, da saúde e do futuro das nosas comarcas. O vindeiro domingo 1 de xuño ás 12:00 h, convocamos unha gran marcha contra as celulosas.
Saídas: desde as alamedas de Marín e Pontevedra. Unímonos para dicir ben claro:
CELULOSAS FÓRA!
Por que nos mobilizamos?
- Porque queremos rías limpas e libres de contaminación industrial.
- Porque defendemos os montes vivos, o rural e a biodiversidade.
- Porque proxectos como o de ALTRI son unha ameaza para a Ulloa e o medio ambiente.
Que reclamamos?
- Un modelo económico sostible e respectuoso co territorio.
- A paralización inmediata do proxecto de ALTRI en Palas de Rei.
- O peche definitivo de ENCE na ría de Pontevedra.
- Un futuro digno para as comarcas afectadas, baseado no respecto pola natureza e pola saúde das persoas.
Como podes colaborar?
Participando, difundindo a convocatoria e sumándote á mobilización. Xuntas e xuntos temos forza para parar as celulosas e defender o noso!
Domingo 1 de xuño, 12:00 h – Marín e Pontevedra
Nin ENCE na ría, nin ALTRI na Ulloa. O territorio non se vende, deféndese!